जिल्हा कारागृहात कैद्यांचे केले उपोषण

जळगाव। जिल्हा कारागृहामध्ये कैद असलेल्या कैद्यांच्या दोन गटात हाणामारी झाल्याच्या वृत्ताने कारागृह पुन्हा चर्चेत आले आहे. हाणामारी झाल्याच्या वृत्ताला कारागृह प्रशासनाने दुजोरा दिला नसला तरी कैद्यानी उपोषण केल्याचे सांगण्यात येत आहे. जिल्हा कारागृहात नविन प्रभारी म्हणून आलेले कारागृह अधिक्षक हे कैद्यांचा छळ करतात, तसेच कारागृहात कैद्यांना मारहाण करतात. या विरोधात कैद्यांची उपोषण केले. 1 ते 12 बँरेकमधील कैद्यांनी मुख्य न्यायाधीश यांना कारागृह अधिक्षक यांच्या विरुद्ध तक्रार अर्ज केला असल्याचे समोर आले आहे.

प्रभारी कारागृह अधिक्षक म्हणून सुनील कुंवर यांची नेमणूक करण्यात आली होती. कारागृहात गुरुवारी 11 रोजी कैद्यांना मारहाण, शिवीगाळ करून मानसिक व शारिरीक छळ करत असल्याचा व तसेच कैद्यांची कोर्‍या कागदावर सह्या घेतल्या असल्याचे आरोप अर्जामध्ये नमूद केले आहे. मात्र कारागृह प्रशासनाचे अशी कोणतीही घटना घडली नसून केवळ अफवा पसरवली जात असल्याचे त्यांनी सांगितले. पुन्हा एकदा जिल्हा कारागृहाचा भोंगळ कारभार समोर आला आहे.