जिल्ह्यातील 13 धरणांमध्ये 90 टक्क्यांपेक्षा अधिक साठा
पुणे । समाधानकारक पावसामुळे जिल्ह्यातील 13 धरणांमध्ये 90 टक्क्यांपेक्षा अधिक पाणीसाठा उपलब्ध झाला आहे. तर सोलापूर जिल्ह्यासाठी वरदान ठरलेल्या उजनी धरणही 50 टक्के भरले आहे. यंदा मान्सूनचे वेळेवर आगमन झाले. धरण परिसरात पावसाची सुरुवात चांगली झाल्याने तळ गाठलेल्या धरणांच्या पाणीपातळीत कमालीची वाढ झाली. यामुळे नागरिकांना दिलासा मिळाला आहे.
खडकवासला प्रकल्पातील पानशेत, टेमघर, वरसगाव आणि खडकवासला या चार धरणात मिळून 85 टक्के म्हणजे 24.58 टीएमसी इतका पाणीसाठा उपलब्ध झाला आहे. भीमा खोर्‍यातील उजनीसह 25 धरणांपैकी 16 धरणांमध्ये 90 टक्क्यांपेक्षा अधिक पाणीसाठा जमा झाला आहे. मुळशी, कळमोडी, आंद्रा, पानशेत, खडकवासला ही धरणे 100 टक्के भरली आहेत. डिंभे, चासकमान, भामा आसखेड, पवना, कासारसाई या धरणांमध्ये 95 टक्क्यांपेक्षा अधिक पाणीसाठा उपलब्ध आहे.
धरणाचे नाव पाणीसाठा टक्केवारी
मुळशी 18.20 टीएमसी 100
माणिकडोह 5.6 टीएमसी 55.38
डिंभे 12.06 टीएमसी 96.52
घोड 4.93 टीएमसी 90.18
चासकमान 7.46 टीएमसी 98.48
भामा आसखेड 6.96 टीएमसी 90.73
गुंजवणी 2.26 टीएमसी 61.14
नीरा देवधर 10.44 टीएमसी 89.03
भाटघर 20.22 टीएमसी 86.06
वीर 8.60 टीएमसी 91.46