जिल्ह्यात कोरोनाचा उद्रेक सुरूच

जळगाव- जिल्ह्यात कोरोनाचा संसर्ग कायम असून दिवसभरात जिल्ह्यात तब्बल 979 कोरोनाबाधीत रुग्ण आढळून आले. त्यात जळगावातील कोरोनाबाधीत रुग्णांनी 376 चा आकडा पार केला आहे. तसेच जामनेर, चोपडा, भुसावळ व धरणगाव येथेही पॉझिटिव्ह रुग्णांची संख्या वाढली आहे. यामध्ये जळगाव शहर 376, जळगाव ग्रामीण 11, भुसावळ 137, अमळनेर 16, चोपडा 101, पाचोरा 27, भडगाव 32, धरणगाव 82, यावल 12, एरंडोल 92, जामनेर 34, रावेर 14, पारोळा 4, चाळीसगाव 10, बोदवड 19 आणि इतर जिल्ह्यात 12 असे एकूण 979 कोरोनाबाधित रुग्ण आढळून आले आहे. रविवारच्या अहवालानुसार जिल्ह्यात आजवर 70 हजार 627 बाधित आढळून आले असून त्यापैकी 61 हजार 602 रुग्ण बरे झालेले आहेत तर 7 हजार 581 रुग्ण उपचार घेत आहेत. तसेच जिल्ह्याभरात सहा रुग्णांचा मृत्यू झाला असून त्यात जळगाव शहरात 3, भुसावळ, चोपडा, चाळीसगाव प्रत्येकी एक रुग्णांचा मृत्यू झाला असल्याची माहिती जिल्हा शल्य चिकित्सक डॉ.नागोराव चव्हाण यांनी दिली.