जिल्ह्यात कोरोनामुळे एकाच दिवसात सहा जणांचा मृत्यू

जळगाव- जिल्ह्यात कोरोना रूग्णांची संख्या पुन्हा वेगाने वाढु लागली आहे. आज दिवसभरात सहा कोरोना रूग्णांचा मृत्यू झाल्याने चिंतेचे वातावरण पसरले आहे. जिल्ह्यात आज नव्याने ५९५ रूग्ण कोरोनाने बाधित झाले आहेत. यात सर्वाधिक २७५ रूग्ण हे जळगाव शहरातील आहेत. आत्तापर्यंत एकुण ६५ हजार १३८ असे रूग्ण आढळुन आले आहे. त्यापैकी ५८ हजार ८३६ रूग्ण कोरोनामुक्त झाले आहेत. इतर तालुक्यांमध्ये जळगाव ग्रामीण ३३, भुसावळ ५९, अमळनेर ९, चोपडा ४८, पाचोरा १, भडगाव १, धरणगाव ६, यावल १, जामनेर ३६, रावेर १४, पारोळा १८, चाळीसगाव ८१, मुक्ताईनगर ७, बोदवड २ तसेच इतर जिल्ह्यातील ४ असे एकुण ५९५ रूग्ण आढळून आले आहे. तर दिवसभरात जळगाव शहरातील ३, जळगाव, जामनेर आणि रावेर तालुक्यातील प्रत्येकी एक अशा सहा रूग्णांचा मृत्यू झाला आहे.