जिल्ह्यावर भाजपचीच पकड; कार्यकर्त्यांच्या नेतृत्वनिष्ठेला फळ

जळगाव । जिल्ह्यातील जिल्हा परीषद व पंचायत समिती निवडणुकासाठी बुधवार 16 फेब्रुवारी 2016 रोजी मतदान घेण्यात आले होते. आज तालुकापातळीवर सकाळी 10 वाजेच्या सुमारास मतमोजणीला सुरूवात करण्यात आली. साधारण दुपारी 1.30 वाजेच्या सुमारास मतमोजणी संपून निकाल जाहिर करण्यात आला. यात जळगाव तालुक्यातील 5 गटांमध्ये भाजपा 2, राष्ट्रवादी 2 तर शिवसेना 1, चोपडा तालुक्यात 6 गटात भाजपा 3, राष्ट्रवादी व शिवसेना प्रत्येकी 1, यावलमध्ये 5 गटासाठी भाजपा 3 तर काँग्रेसला 2 जागा मिळाल्या. रावेरमध्ये 6 गटातून भाजपा 4, राष्ट्रवादी आणि काँग्रेस 1, मुक्ताईनगर तालुक्यातील 4 गटासाठीच्या चार तर बोदवड दोन गटासाठीच्या दोन्ही जागांवर भाजपाने बाजी मारली. भुसावळच्या तीन गटासाठी भाजपा, राष्ट्रवादी आणि शिवसेनी यांना प्रत्येकी एक जागा मिळाल्या आहे.

जळगाव तालुक्यात 5 गटासाठी भाजपा 2, राष्ट्रवादी 2 आणि शिवसेना 1 जागा काबिज केल्या. धरणगाव 3 गटातून भाजपा एक आणि शिवसेना 2, अमळनेर 4 गटातून भाजपा व राष्ट्रवादी प्रत्येकी दोन जागा मिळविल्या आहेत. पारोळा तालुक्याच्या 4 गटासाठी राष्ट्रवादी आणि शिवसेना यांना प्रत्येकी दोन जागांवर विजयी मिळवून बलाबल केली आहे. एरंडोल 3 गटातून भाजपा 1 आणि शिवसेना 2, जामनेर तालुक्यातील 7 गटातून भाजपाला 5 जागा तर राष्ट्रवादीला 2 जागा मिळविले आहे. पाचोर्‍यातून पाच गटासाठी भाजपा 2 तर शिवसेना 3 जागा मिळाल्या तर भडगाव 3 गटासाठी राष्ट्रवादी 1 आणि शिवसेना 2 अश्या जागांवर समाधान मानावे लागले. आणि चाळीसगाव तालुक्यातील 7 गटासाठी भाजपाला 3 राष्ट्रवादीला 4 याप्रमाणे जागा मिळविल्या आहे. जिल्हा परीषदेच्या गटासाठी भाजपाला 67 जागांपैकी 33 जागांवर विजय मिळवून सत्ता एकहाती घेण्यात थोडे अपयश असले तरी सत्ता भाजपाच्याच हातात आहे. मात्र पारोळा आणि भडगाव येथे खाते उघडता आले नाही तर शिवसेनेला चोपडा, भुसावळ, जळगाव तालुक्यात प्रत्येकी 1, धरणगाव, पारोळा, एरंडोल आणि भडगाव तालुक्यात 2 तर पाचोरा 3 असे एकुण 14 जागांवर विजय मिळविला आहे. दुसरीकडे काँग्रेसने चोपडा, यावल आणि रावेर मिळून 4 जिप गटात जागा मिळविल्या आहे.