ज्येष्ठ अभिनेते विजय चव्हाण यांना रुग्णालयात दाखल

मुंबई: ज्येष्ठ अभिनेते विजय चव्हाण यांना बुधवारी रुग्णालयात दाखल करण्यात आले. ते गेल्या कित्येक दिवसांपासून आजारी आहेत. दरम्यानच्या काळात त्यांची तब्येत सुधारली होती. पण आता पुन्हा एकदा त्यांना अस्वस्थ वाटू लागल्याने रुग्णालयात दाखल करण्यात आले आहे. मुलुंडमधील फोर्टीस रुग्णालयात त्यांना दाखल करण्यात आले असून सध्या त्यांची प्रकृती स्थिर आहे.

मोरुची मावशी या नाटकात त्यांनी अतिशय ताकदीने स्त्री पात्र रंगवले होते. विजय चव्हाण हे गेल्या अनेक वर्षांपासून मराठी चित्रपटसृष्टी गाजवत आहेत .हे पात्र प्रेक्षकांच्या विशेष लक्षात राहते. त्यांच्या चित्रपट, नाटकांतील अनेक भूमिकांनी प्रेक्षकांच्या मनात घर केले.१९८५ साली प्रदर्शित झालेल्या वहिनीची माया या चित्रपटाद्वारे त्यांनी मराठी चित्रपटसृष्टीत पदार्पण केले.

आतापर्यंत त्यांनी जवळपास  सुमारे ३५०  चित्रपटांमध्ये भूमिका साकारली आहे. मोरुची मावशी, श्रीमंत दामोदर पंत ही त्यांची नाटकं प्रचंड गाजली आहेत. त्यांना आतापर्यंत अनेक पुरस्कारांनी सन्मानित करण्यात आले आहे.