झिम्बॉम्बेवत लष्करी राजवट!
हरारे : झिम्बॉम्बेत बुधवारी लष्कराने देशाची सर्व सूत्रे आपल्या हाती घेतली. राष्ट्रपती रॉबर्ट मुगाबे यांना ताब्यात घेतल्याचेही लष्कराने जाहीर केले. गुन्हेगारांना शिक्षा देण्यासाठी रक्त न सांडता हे सत्ता परिवर्तन करण्यात आल्याचे येथील लष्काराने म्हटले आहे. सकाळी स्थानिक प्रसारमाध्यमांनी हे वृत्त दिल्यानंतर राजकीय भूकंपच झाला. दरम्यान, झिम्बॉम्बेत राहणार्‍या ब्रिटनच्या नागरिकांना घरातच थांबण्याचा सल्ला देण्यात आला आहे.
नागरिकांना शांततेचे आवाहन
झिम्बॉम्बे लष्कराने दिलेल्या माहितीनुसार, राष्ट्रपती मुगाबे आणि त्यांची पत्नी पूर्णपणे सुरक्षित असून, लष्कराच्या ताब्यात आहेत. सरकारी कार्यालये आणि रस्त्यांवर लष्कराने ताबा मिळविला आहे. देशाचे उपराष्ट्रपती इमरसन मनंगावा यांच्या बरखास्तीनंतर लष्कराने राष्ट्रपती रॉबर्ट मुगाबे यांना आव्हान दिले होते. दुसरीकडे, दक्षिण अफ्रिकेचे राष्ट्रपती जॅकब जुमा यांनी झिम्बॉम्बे सरकार आणि सुरक्षा दलांना देशातील परिस्थिती पुन्हा पूर्वपदावर आणण्यासाठी आवाहन केले आहे. जेबीसी ब्रॉडकास्टरवर बोलताना मेजर जनरल एसबी मोयो म्हणाले की, आमचे नागरिक आणि जग सीमेच्याही पलीकडे आहे. लष्कराने देशाची सूत्रे हाती नसल्याचे मला स्पष्ट करायचे आहे. यासोबत त्यांनी देशातील नागरिकांना शांतता कायम ठेवण्याचे आवाहन केले.
मनांगाग्वा-ग्रेस वाद
लष्कराकडून जाहीर करण्यापूर्वीच लष्कराच्या 100 तुकड्या हरारेत रस्त्यांवर पेट्रोलिंग करत होत्या. यावेळी त्यांच्यासोबत टँकही होते. हरारेच्या रस्त्यांवर स्फोट झाल्याची माहिती लष्कराला मिळाली होती आणि राष्ट्रपती रॉबर्ट मुगाबे यांच्या सुरक्षेसाठी ते तिथे उपस्थित होते, अशी माहिती त्यावेळी देण्यात आली होती. दरम्यान, उपराष्ट्रपती मनांगाग्वा यांच्या बरखास्तीपाठीमागे राष्ट्रपती मुनाबे यांची पत्नी ग्रेस यांच्यातील वाद कारणीभूत असल्याचे बोलले जात आहे. झिम्बॉब्वेच्या पुढील राष्ट्रपतिपदाच्या निवडणुकीसाठी ग्रेस यांच्या नावाची सत्तारुढ पक्षाकडून जोरदार चर्चा आहे. पण त्यांना मनांगाग्वा यांचे कडवे आव्हान आहे.