टाळ, मृदंगाचा गजर आणि संत ज्ञानेश्वर माउलीचा जयघोष

पिंपरी-चिंचवड : पिंपरी-चिंचवड उद्योगनगरीत रविवारी श्री संत तुकाराम महाराजांचा पालखी सोहळा दाखल झाला. पालखी सोहळा रविवारचा मुक्काम आकुर्डी येथे करण्यात आला होता. दुपारी दोन वाजल्यापासूनच उद्योगनगरीत वारकरी शहरात येण्यास प्रारंभ झाला. या सोहळ्यात एकूण 350 दिंड्या सहभागी झाल्या आहेत. सोमवारी पालखी सोहळा पुण्नगरीकडे वाटचाल करणार आहे.

गेल्या काही दिवसांपासून श्री क्षेत्र आळंदीचा सारा परिसर टाळ-मृदंगाच्या निनादाने दुमदुमून गेला आहे. पालखी सोहळ्यात सहभागी होण्यासाठी राज्याच्या विविध भागामधून दिंड्या अलंकापुरीत येऊन दाखल झाल्या. त्यांची संख्याही 350 पेक्षा अधिक असल्याचे सांगण्यात आले. इंद्राणीच काठावर भगव्या पताका आणि अभंगाचे स्वर, टाळ-मृदंगाचा गजर यामुळे सारे वातावरण भारून गेले आहे.

रविवारी दुपारी चारच सुमारास प्रस्थान सोहळ्यास प्रारंभ झाला पण प्रत्यक्षात साडेसात वाजता पालखी सोहळ्याचे प्रस्थान झाले. त्यावेळी संपूर्ण मंदिराचा परिसर ङ्गज्ञानोबा माउलीफच्या जयघोषाने दुमदुमून गेला.

वीणामंडपात श्रींच्या पादुका
त्यापूर्वी रविवारी पहाटेपासूनच श्री क्षेत्र आळंदीतील मुख्य मंदिरात धार्मिक र्काक्रमास प्रारंभ झाला होता. पहाटे घंटानाद त्यानंतर महापूजा झाली. सकाळी 10 ते 12 पर्यंत समाधी दर्शनासाठी भाविकांसाठी वेळ ठेवण्यात आली होती. दुपारच्या सुमारास पालखी प्रस्थान सोहळसाठी मानाच्या 47 दिंड्या मुख्य मंदिरामध्ये आल्या. त्यानंतर संस्थानच्यावतीने ङ्गश्रीफची आरती झाली. तद्नंतर वीणामंडपात पालखीमध्ये ङ्गश्रीफच्या पादुका ठेवण्यात आल्या.

पालखी सोहळा आजोळघरी
सायंकाळी साडेसातच्या सुमारास पालखी सोहळा सुरू झाला व मुख्य मंदिरामधून पालखी सोहळा नगर प्रदक्षिणेसाठी बाहेर पडला. प्रदक्षिणा मार्गाने पालखी सोहळा आजोळघरी मुक्कामासाठी गेला. सोमवार, 1 जुलै रोजी संत तुकाराम महाराजांचा पालखी सोहळा आकुर्डी विठ्ठल मंदिरातून सकाळी निघणार असून एच.ए. कॉलनी, पिंपरी, विठ्ठलनगर, कासारवाडी, दापोडी, शिवाजीनगर, संत तुकाराम महाराज पादुका मंदिर, फग्र्युसन रोड मार्गे निवडुंगा विठ्ठल मंदिर नाना पेठ, पुणे येथे दोन दिवसांच्या मुक्कामासाठी विसावणार आहे.

लाखोंच्या संख्यने वारकरी पंढरपूरकडे
निगडीतील भक्ती शक्ती चौकात संत तुकोबारायांचा पालखी सोहळा शनिवारी दाखल झाला. त्यावेळी दिंडीच्या वाहनांकडे पाहून अनुपम सोहळा अनुभवण्यासाठी परेदशातून आलेले पाहुणेही सुसूत्रबद्ध नियोजन पाहून थक्क झाले. संताच्या पालखी सोहळ्यात लाखोंच्या संख्येने सहभागी झालेल्या वारकर्‍यांची देहू, आळंदी ते पंढरपूरपर्यंतची पायी वारी सुरू झाली आहे. उन, वारा, पाऊस या कशाचीही तमा न बाळगता मजल, दरमजल करीत मोठ्या भक्ती भावाने वारकरी पंढरपूरच्यादिशेने मार्गस्थ झाले आहेत.

स्पेनचा पाहुणा वारीत दाखल
औद्योगिकनगरीत एका वाहन उद्योगात कामानिमित्त स्पेनवरून आलेला एक परदेशी पाहुणा हा अनुपम सोहळा अनुभवण्यासाठी आवर्जून आला होता. खांद्यावर भगव्या पताका, कपाळी केशरी टिळा, डोक्यावर तुळशीवृंदावन घेऊन चालणार्‍या महिला आणि टाळ, मृदंगाच्या निनादात मुखात हरिनामाचा गजर करणारे शिस्तबद्ध वारकरी पाहुन परेदशी पाहुणा थक्क झालाच, शिवाय बाजुला थांबलेल्या दिंडेकर्‍यांच्या वाहनांकडे पाहिल्यानंतर तो आचंबितच झाला.