ट्रकची दुचाकीला धडक एक जागीच ठार, एक गंभीर

साक्री शहरातील घटना ; अपघातानंतर पेटली दुचाकी

साक्री– राष्ट्रीय महामार्ग सहावर भरधाव ट्रकने दुचाकीला धडक दिल्याने दुचाकीस्वार जागीच ठार झाल्याची घटना सोमवारी रात्री आठ वाजेच्या सुमारास हॉटेल रामजवळ घडली तर या अपघातानंतर दुचाकीने पेट घेतल्याने महामार्ग काही वेळासाठी ठप्प झाला.

या अपघातात एक जण गंभीर जखमी झाला आहे. दुचाकी (एम.एच.18 ए.व्ही. 7921) व ट्रक (सी.जी.04 जे.सी.8499) मध्ये धडक होवून दुचाकीस्वार मुरलीधर वेडू सायते (65, रा.कुुसुंबा, जि.धुळे) ठार झाले तर दिलीप सयाजी सोनवणे (55, रा.कुुसुंबा, जि.धुळे) हे गंभीर जखमी झाले. अपघातानंतर ट्रक चालक व क्लीनर पसार झाले.