ट्रक-कंटेनर अपघातात दोघा चालकांचा मृत्यू

भुसावळ- भरधाव ट्रक व कंटेनरमध्ये धडक होवून दोन्ही वाहनांचे चालक ठार झाल्याची  घटना राष्ट्रीय महामार्ग क्रमांक सहावरील जाडगाव फाट्यावर गुरुवारी रात्री एक वाजेच्या सुमारास घडली. कंटेनर (एच.आर.55 व्ही.4695) व बाराचाकी ट्रक (जी.जे.12 झेड.2655) मध्ये समोरा-समोर धडक होवून इम्तीयाजखान रोहन खान (65, मालवीयपूर, मलकापूर) व अख्तर भिकन पिंजारी (32, रा.अकोला) यांचा जागीच मृत्यू झाला तर क्लिनर शेख रशीद शे.भदू (अकोला) हे जखमी झाले. वरणगाव पोलिसात अपघाताची नोंद करण्यात आली असून तपास उपनिरीक्षक नीलेश वाघ करीत आहेत.