डंपरच्या वादातून तरूणावर तलवार हल्ला

जळगाव । डंपरच्या वादातुन तरुणावर तलवार हल्ला झाल्याची घटना रात्री 11.30 वाजेच्या सुमारास डिमार्ट जवळ घडली. यामध्ये तरुणाच्या डोक्याला गंभीर दुखापत झाली. त्याला जिल्हा रुग्णालयात दाखल करण्यात आले आहे.

शहरातील नेहरु नगरमध्ये सचिन भानुदास भोळे (वय 28) राहतात. त्यांचे मेव्हुणे भुषण महाजन यांचे स्टोन क्रशर शिरसोलीला आहे. याठिकाणी सचिन भोळे यांचा दिनेश देसाई, गिरीष द्राक्षे यांच्याशी वाद झाला. दिनेश देसाई यांनी भुषण महाजन यांच्याशी त्यांच्या डंपरचा व्यवहार केला होता. हा डंपर 2015 रेमंड चौकात झालेल्या अपघातामध्ये जमावाने जाळून टाकला होता. त्यामूळे डंपरचे मोठे नुकसान झाले होते. हे नुकसान भरपाईवरुन भुषण महाजन आणि देसाई यांच्यामध्ये वाद सुरु होता.

पोलिसात गुन्हा दाखल
यातुन रविवारी शिरसोली येथे स्टोन क्रशरवर सचिन भोळे यांच्याशी दोघांनी वाद घातला. या वादातुन रात्री 11.30 वाजेच्या सुमारास डीमार्ट जवळून दिनेश देसाई याने फोन करुन सचिन भोळे याला बोलावुन घेतले. आणि डंपरच्या व्यवहारामध्ये पडू नको अशी धमकी दिली. दोघांमध्ये हाणामारी झाल्याने यावेळी दिनेश देसाई, गिरीष द्राक्षे याच्यासह अन्य दोन जणांनी भोळे यांना तलवारीने मारुन जखमी केले. याप्रकरणी एमआयडीसी पोलीसांत गुन्हा दाखल करण्यात आला.