डी. वाय. पाटील स्टेडियम धोक्यात

नवी मुंबई । डी. वाय. पाटील स्टेडियला धोका निर्माण झाल्याची बाब समोर आली असून हा धोका निर्माण करण्यामागे सिडको कारणीभूत असल्याचे कळते. फिफा वर्ल्ड कप होणार आहे, या सामन्याच्या सरावासाठी नवी मुंबईतील स्पोर्ट्स क्लबमध्ये 4 कोटी खर्च करून मैदान बनवण्यात आले आहे. मात्र, वादामुळे हे मैदान सामने झाल्यावर तोडून टाकण्याचे आदेश सिडकीने दिले आहेत. सिडकोच्या या आदेशाबाबत नाराजी होत आहे.

सिडकोचा अजब निर्णय
सिडकोला मेंबरशिप नाममात्र दरात न मिळाल्याने सिडकोने हा धक्कादायक आणि अजब निर्णय घेतला, असा आरोप केला जात आहे. येत्या ऑक्टोबर महिन्यात होणार्‍या फिफा वर्ल्ड कपचे 5 सामने नवी मुंबईतील डी. वाय. पाटील स्टेडियमवर होणार आहेत. या सामन्यांसाठी सराव व्हावा म्हणून नवी मुंबई स्पोर्ट्स असोसिएशनमध्ये 4 कोटी रुपये खर्च करून मैदान तयार करण्यात आले आहे. यासाठी स्पोटर्स क्लबच्या सर्व सदस्यांनी प्रत्येकी 4 हजार रुपये काढून 4 कोटी रुपयांचे आंतरराष्ट्रीय दर्जाचे मैदान तयार करण्यात आले आहे. धक्कादायक बाब म्हणजे फिफा वर्ल्ड कप संपल्यानंतर ते तोडून काढण्याची नोटीस सिडकोने बाजावली आहे.

खेळाडूंचे भविष्य उद्ध्वस्त
आंतरराष्ट्रीय दर्जाचे फुटबॉल मैदान फिफा वर्ल्ड कपनंतर नवी मुंबईतील सर्व सामान्य खेळाडूंना खेळत येईल. मात्र, स्वतःच्या स्वार्थासाठी नवी मुंबईतील खेळाडूंचे भविष्य उद्ध्वस्त करण्याचे काम सिडकोचे अधिकारी करत आहेत. सिडकोचे अधिकारी फिफाच्या एनओसीच्या नावाखाली आम्हाला ब्लॅक मेल करीत असल्याचा आरोप स्पोर्ट्स क्लबने केला आहे.