डेबिट कार्डद्वारे वीजबिल भरण्याचे सांगत शेतकर्याला दोन लाखात फसवले
Raver’s farmer fined two lakhs on the pretext of power cut रावेर : थकीत वीज खंडीत करण्याच्या बहाण्याने रावेरच्या शेतकर्याकडील भामट्याने ओटीपी मिळवून ऑन लाईन पध्दतीने सुमारे एक लाख ९६ हजार ७५२ रुपये काढून फसवणूक केल्याची घटना गुरुवार, १ रोजी घडली. याबाबत अज्ञात व्यक्तीविरोधात रावेर पोलिसात गुन्हा दाखल करण्यात आला आहे.
वीज कर्मचारी असल्याचे सांगून गंडवले
विजय जीवराम महाजन हे शेतकरी (चोरवड, ता.रावेर, ह.मु.भगवती नगर, जुना सावदा रोड, रावेर) राहतात. गुरुवार, १ डिसेंबर रोजी ८९९९९६३९९२० या क्रमांकावरून विजय महाजन यांना अज्ञात व्यक्तीने वीज वितरण कंपनीचे कर्मचारी असल्याचे भासवून कंपनीचा लोगो असलेला मेसेज पाठवून तुमचा वीजपुरवठा खंडीत केला जाईल, तुम्ही तातडीने वीज बिलाचे पैसे भरा याबाबत डेबीट कार्डद्वारे ऑनलाईन पद्धतीने पैसे भरण्यास सांगितले. यानंतर अज्ञात इसमाने ओटीपी नंबर मिळवून विजय महाजन यांच्या आयसीआयसीआय या बँकेच्या खात्यातून एक लाख ९६ हजार ७५२ परस्पर काढत फसवणूक केली.
अज्ञाताविरोधात गुन्हा दाखल
याबाबत विजय महाजन यांनी रावेर पोलिस ठाण्यात दिलेल्या माहितीवरून माहिती तंत्रज्ञान कायदा ६६ (डी) प्रमाणे अज्ञात व्यक्तिविरोधात रावेर पोलीस ठाण्यात गुन्हा दाखल करण्यात आला. पुढील तपास पोलिस निरीक्षक कैलास नागरे करीत आहेत.