डोंबिवलीतील डॉमिनोज पिझ्झा सेंटरला आग

मुंबई : डोंबिवलीतील डॉमिनोझ पिझ्झा सेंटरला भीषण आग लागली आहे. डोंबिवलीतील मानपाडा रोडवर असलेल्या पिझ्झा सेंटरला ही आग लागली असून ही घटना काही वेळापूर्वीच घडली आहे. आगीमुळे परिसरात धुराचे लोट पसरले आहेत. ही आग नेमकी कशी लागली याचं कारण अद्याप स्पष्ट होऊ शकलेलं नाही. याच भागात आयकॉन नावाचे हॉस्पिटलही आहे. ही आग नियंत्रणात आणण्याचे प्रयत्न सुरु करण्यात आले असून गॅसचा वास येत असल्याचे स्थानिक नागरिकांनी म्हटले आहे. तसेच दुकानातून फटाक्यांसारखे आवाज येत असल्याचीही माहिती काही प्रत्यक्षदर्शींनी दिली आहे.