तरुणाला पेट्रोल टाकून पेटविले

पुणे । पहिला वाद मिटवण्याच्या बहाण्याने दुचाकीवर बाहेर नेऊन एकाच्या डोक्यात बिअरची बाटली फोडून अंगावर पेट्रोल टाकून पेटवून दिल्याचा धक्कादायक प्रकार घडला आहे. याप्रकरणी बारामती ग्रामीण पोलीस ठाण्यात तिघा जणांविरुद्ध गुन्हा दाखल केला आहे. तुषार दत्तात्रय झगडे (21, रा. कटफळ, ता. बारामती) यांनी या प्रकरणी फिर्याद दिली असून आरोपी नितीन माकर, धनंजय माकर (दोघे रा. कटफळ, ता. बारामती), अमोल शिंदे (वंजारवाडी, ता. बारामती) यांच्यावर गुन्हा दाखल करण्यात आला आहे.

चक्कर येऊन खाली कोसळला
पोलिसांनी दिलेल्या माहितीनुसार, गुरुवारी कटफळ पियाजो कंपनीच्या पाठीमागील तळ्याजवळ फिर्यादी झगडे रात्री नऊच्या सुमारास मोटार सायकलवरून घरी जात होते. यावेळी आकाश सर्व्हिसिंग सेंटर येथे फिर्यादिस नितीन माकर याने हाक मारून थांबविले. आरोपी धनंजय माकर याने फिर्यादीला आपला पहिला वाद मध्यस्तीकडे जात मिटवून घेण्याच्या बहाण्याने फिर्यादीला गाडीवर नेले. नितीन माकर हा स्कूटीवर होता. तर धनंजय माकर व अमोल शिंदे हे बुलेटवर होते. सर्वजण रानात गेले. त्याठिकाणी अमोल शिंदे याने हातात असलेली बिअरची बाटली नितीन माकर याने घेतली. त्याने ती फिर्यादीच्या डोक्यात मारली. यामध्ये फिर्यादीला चक्कर आली.