तलवारीच्या धाकावर दहशत ; भुसावळातील एक अटकेत
भुसावळ- शहरातील संत गाडगे बाबा विद्यासमोर तलवारीच्या धाकावर दहशत निर्माण करणार्या गोपाल ऊर्फ (विक्की) राजेश गोवर (22, रा.समद अली यांच्या दवाखान्यासमोर, रेल्वे नार्थ कॉलनी, भुसावळ) यास अटक करण्यात आली. आरोपीच्या ताब्यातून एक हजार रुपये किंमतीची व दोन फूट नऊ इंच लांबीची तलवार जप्त करण्यात आली. ही सहाय्यक पोलीस अधीक्षक नीलोत्पल यांच्या मार्गदर्शनाखाली अवैधशस्त्र जप्त पथकातील उपनिरीक्षक युवराज अहिरे, सुनील सैंदाणे, सुनील थोरात, कृष्णा देशमुख, निलेश बाविस्कर, दीपक जाधव आदींच्या पथकाने केली. आरोपीविरुद्ध कृष्णा देशमुख यांच्या फिर्यादीवरून भुसावळ शहर पोलिसात गुन्हा दाखल करण्यात आला. तपास हवालदार गजानन देशमुख करीत आहेत.