तळेगाव शिवारातून बैल चोरीला; गुन्हा दाखल

चाळीसगाव। तालुक्यातील तळेगाव शेत शिवारातून दोन जणांचे तीन बैल अज्ञाताने लांबविल्याची घटना उघडकीला आली आहे. याप्रकरणी पोलिसात अज्ञात चोरट्याविरुद्ध गुन्हा दाखल केला आहे.

सविस्तर असे, तालुक्यातील तळेगाव येथील वसंत पांडुरंग पाटील (वय 61) व साक्षीदार धारासिंग गुलाब चव्हाण यांच्या तळेगाव शेत शिवारात बांधलेले तीन बैल अज्ञाताने चोरून नेल्याची घटना रविवारी, 14 नोव्हेंबर रोजी रात्री 1 ते 5 वाजेदरम्यान उघडकीला आली आहे. वसंत पांडुरंग पाटील यांनी बैलांची परिसरात शोधाशोध केल्यावर ते अद्यापपर्यंत मिळून आलेले नाही. म्हणून कोणीतरी अज्ञाताने ते चोरून नेल्याचे स्पष्ट झाल्यावर त्यांनी चाळीसगाव ग्रामीण पोलीस स्थानक गाठून फिर्याद दाखल केली. यानुसार भादंवि कलम-379 प्रमाणे अज्ञात चोरट्याविरुद्ध गुन्हा दाखल केला आहे. तपास पोलीस निरीक्षक संजय ठेंगे यांच्या निर्देशानुसार पोना. नितीन अमोदकर करीत आहेत.