तिसर्‍या अपत्याचे पालकत्व नाकारले
नाशिक । ग्राम पंचायतं सदस्यपद वाचवण्यासाठी पोटच्या पोराचे पालकत्व नाकारणार्‍या एका महिलेचा खोटारडेपणा उघडकीस आला आहे. नाशकातील महिलेला सुप्रीम कोर्टानेच फटकारले आहे. या महिलनें तिसरे मूल आपलें अपत्य असल्याचें नाकारले होतें. मात्र डीएनए टेस्टनंतर तिचा खोटारडेपणा उघडकीस आला.
चौकशीतच खोटेपणा उघड
महाराष्ट्रात स्थानिक स्वराज्य संस्थांच्या निवडणुका लढवण्यासाठी दोनपेक्षा जास्त अपत्य असणार्‍या व्यक्तींना उमेदवारी नाकारली जाते. यातून सूट मिळवण्यासाठीच संबंधित महिलेने पोराचेच मातृत्व नाकारले. दोनच अपत्यांची माहिती देऊन महिलेने निवडणूक लढवली आणि विजय मिळवला. मात्र विरोधी उमेदवाराने संबंधित महिलेला तीन मुलें असल्याची तक्रार निवडणूक आयोगाकडे केली. तपासात ही बाब खरी असल्याचें समोर आल्याने तिचं सदस्यत्व रद्द करण्यात आले.
डीएनए चाचणीही झाली
याविरोधात महिलेने मुंबई हायकोर्टात धाव घेतली. मात्र तिथेही दिलासा न मिळाल्याने तिने सुप्रीम कोर्टाचे दरवाजे ठोठावले. डीएनए टेस्टसाठी तयार झाल्याने महिला आणि तिच्या अपत्याची डीएनए टेस्ट करण्यात आली. त्यात हे मूल तिचे आणि पतीचेंच असल्याचें सिद्ध झालें.