… तेच ठाकरे आज तुमच्यावर थुंकले : निलेश राणे

मुंबई: रामदास कदम तुम्ही संपूर्ण वेळ राणेंना शिव्या घालून ठाकरेंना खुश करण्यासाठी घालवला आणि तेच ठाकरे तुमच्यावर थुंकले. अशी घणाघाती टीका माजी मुख्यमंत्री नारायण राणे यांचे पुत्र, माजी खासदार आणि भाजपाचे नेते निलेश राणे यांनी केली आहे. महाविकास आघाडी सरकारच्या मंत्रिमंडळ विस्तारामध्ये स्थान न मिळाल्याने शिवसेनेचे विधान परिषदेतील ज्येष्ठ नेते रामदास कदम नाराज असल्याच्या वृत्तावर प्रतिक्रिया देताना निलेश यांनी टीका केली आहे.

रामदास कदम तुम्ही संपूर्ण वेळ राणेंना शिव्या घालून ठाकरेंना खुश करण्यासाठी घालवला आणि तेच ठाकरे तुमच्यावर थुंकले. तुम्ही आम्हाला शिव्या घालून तुम्ही शिवसेनेशी किती निष्ठावान आहात हे दाखवायचा पण आज तुम्हाला उलट शिवी घालणार नाही कारण न घालता ती तुम्हाला बसलेली आहे.

शिवसेना, राष्ट्रवादी व काँग्रेसच्या महाविकास आघाडी सरकारचा मंत्रिमंडळ विस्तार सोमवारी पार पडला. नव्या मंत्रिमंडळात उद्धव ठाकरे यांनी शिवसेनेतील तरुण चेहऱ्यांना संधी दिली आहे. विधानसभा निवडणुकीपूर्वी काँग्रेसमधून शिवसेनेत आलेले अब्दुल सत्तार व तीन अपक्षांनाही शिवसेनेनं आपल्या कोट्यातून मंत्रीपद दिलं आहे. त्यासाठी सेनेतील ज्येष्ठ नेत्यांचा पत्ता कापण्यात आला आहे. त्यात दिवाकर रावते यांच्याबरोबरच रामदास कदम यांचाही समावेश आहे. त्यामुळं ते नाराज असल्याचीही चर्चा आहे.

शिवसेना, राष्ट्रवादी व काँग्रेसच्या महाविकास आघाडी सरकारचा मंत्रिमंडळ विस्तार सोमवारी पार पडला. नव्या मंत्रिमंडळात उद्धव ठाकरे यांनी शिवसेनेतील तरुण चेहऱ्यांना संधी दिली आहे. विधानसभा निवडणुकीपूर्वी काँग्रेसमधून शिवसेनेत आलेले अब्दुल सत्तार व तीन अपक्षांनाही शिवसेनेनं आपल्या कोट्यातून मंत्रीपद दिलं आहे. त्यासाठी सेनेतील ज्येष्ठ नेत्यांचा पत्ता कापण्यात आला आहे. त्यात दिवाकर रावते यांच्याबरोबरच रामदास कदम यांचाही समावेश आहे. त्यामुळं ते नाराज असल्याचीही चर्चा आहे.