‘त्या’ वक्तव्याबद्दल ओवेसिंकडून वारीस पठाण यांच्यावर कारवाई !

मुंबई: एआयएमआयएमचे प्रवक्ते माजी आमदार वारिस पठाण यांनी “ आम्ही १५ कोटी आहोत, पण १०० कोटींना भारी आहोत’, असे वक्तव्य हिंदूंबाबत केले होते. यावरून त्यांच्यावर टीका होत आहे. दरम्यान एआयएमआयएम अध्यक्ष खासदार असदुद्दीन ओवेसी यांनी वारिस पठाण यांच्यावर कारवाई केली आहे. वारिस पठाण यांना माध्यमांवर बोलण्याची बंद घालण्यात आली आहे. तर दुसरीकडे औरंगाबादचे खासदार खासदार इम्तियाज जलील यांनी वारीस पठाण यांच्या हिंदू-मुस्लिम वक्तव्यावर स्पष्टीकरण मागणार असल्याचे सांगितले आहे.

वारिस पठाण यांच्या वादग्रस्त वक्तव्याविरोधात पुणे पोलिसांत तक्रार दाखल करण्यात आली आहे. भाजपा आणि मनसेने वारिस पठाण यांच्या टीका केली आहे. दरम्यान, वादग्रस्त वक्तव्यावरून माफी मागण्यास वारिस पठाण यांनी स्पष्ट शब्दात नकार दिला आहे. मी जे काही म्हटलेय ते संविधानाच्या मर्यादेतच राहून बोललो असल्याचे स्पष्टीकरण वारिस पठाण यांनी प्रसारमाध्यमांना दिले.