थकीत रक्कम न भरल्यास गाळेधारकांची बँक खाती सील करण्याची हालचाल
जळगाव-मनपा मालकीच्या मुदत संपलेल्या 18 व्यापारी संकुलातील गाळेधारकांना कलम 81 क नुसार नोटीस बजावण्यात आल्या आहेत. तसेच 30 जूनपर्यंत बिले भरण्यासाठी दि.11 ऑक्टोबरपर्यंत मुदत देण्यात आली होती.आतापर्यंत 50 गाळेधारकांनी पूर्ण रकमेचा भरणा केला आहे.दरम्यान,भरणा करण्यासाठी दोन दिवसाची मुदत देण्यात आली असून शनिवार व रविवार मनपा कार्यालय खुले राहणार आहे. मुदतीत भरणा न करणार्‍या गाळेधारकांची बँक खाती सील करण्याच्या हालचाली प्रशासकीय पातळीवर सुरु आहे.
मनपा मालकीच्या 18 व्यापारी संकुलातील 2387 गाळ्यांची मुदत 2012 मध्ये संपुष्टात आली आहे. तेव्हापासून गाळेधारक थकबाकीदार आहेत.तसेच मनपा अधिनियम क लम 81 ब च्या आदेशानंतर सुध्दा ताब्यात ठेवून अनधिकृतरित्या वापर सुरु आहे. गाळेधारक अनधिकृत कब्जेदार असल्यामुळे मनपा अधिनियम शासनाच्या आदेशानुसार मुदतीनंतर अनधिकृतरित्या ताब्याच्या कालावधीतील नुकसान भरपाईची रक्कम भरण्यासाठी कलम 81 क नुसार नोटीस बजावली आहे.तसेच मनपा प्रशासनाने कलम 81 क नुसार बजावलेल्या नोटीस नुसार निश्‍चित करण्यात आलेली नुकसान भरपाईची रक्कम दि.11 आक्टोबरपर्यंत भरणा करण्यासाठी मुदत दिलेली आहे.दिलेल्या मुदतीत भरणा न केल्यास कठोर कारवाई करण्याचा प्रशासनाने इशारा देखील दिला आहे. थकीत रक्कम भरणा करण्याचा शुक्रवारपर्यंत शेवटचा दिवस होता. मात्र भरणा करण्यासाठी पून्हा दोन दिवसाची मुदत देण्यात आली आहे.
केवळ 50 गाळेधारकांनी भरली पूर्ण रक्कम
महात्मा फुले,सेंन्ट्रल फुलेसह पाच व्यापारी संकुलातील गाळेधारकांना कलम 81 क नुसार बजावून 11 ऑक्टोबरपर्यंत मुदत दिली होती.त्यानुसार केवळ 50 गाळेधारकांना थकीत रक्कम पूर्ण भरली आहे.पूर्ण रक्कम भरणार्‍या 50 गाळेधारकांना आयुक्त डॉ.उदय टेकाळे यांच्या हस्ते थकबाकी नसल्याचा दाखला देखील देण्यात आला आहे.
बँक खाती सील होणार
मनपा मालकीच्या मुदत संपलेल्या 18 व्यापारी संकुलातील गाळेधारकांनी दिलेल्या मुदतीत थकीत रक्कम न भरल्यास कारवाई करण्याचा प्रशासनाने दिला आहे.त्यानुसार दोन दिवसात उर्वरित गाळेधारकांना दोन दिवसासाठी संधी देण्यात आली आहे. मात्र थकीत रक्कम न भरणार्‍या गाळेधारकांची बँक खाती सील करण्यात येणार आहे.त्यासाठी संबं धित गाळेधारकांची माहिती देखील मागविण्यात आली आहे.