दहशतवादविरोधी पथकाकडून शिवसेनेच्या माजी नगरसेवकाला अटक

जालना-संशयित हिंदुत्ववादी अतिरेक्यांशी संबंध असल्याच्या आरोपावरुन राज्याच्या दहशतवादविरोधी पथकाने जालना येथून श्रीकांत पांगारकर याला अटक केली. पांगारकर हा शिवसेनेचा माजी नगरसेवक आहे.

नालासोपारा स्फोटके प्रकरणात वैभव राऊत, शरद कळसकर आणि सुधन्वा गोंधळेकर यांना अटक करण्यात आली होती. या प्रकरणी राज्याच्या दहशतवादविरोधी पथकाने (एटीएस) जालना येथून श्रीकांत पांगारकरला शनिवारी रात्री चौकशीसाठी ताब्यात घेतले होते. चौकशीत त्याचे संशयित हिंदुत्ववादी अतिरेक्यांशी संबंध असल्याचे स्पष्ट झाल्यानंतर रविवारी रात्री त्याला अटक करण्यात आली.