दहाव्या मोसमातून जेपी ड्युमिनीची माघार

मुंबई । दिल्ली डेअरडेव्हिल्स फ्रँचाईझीचा व दक्षिण आफ्रिकेच्या अष्टपैलू जेपी डयुमिनीने आयपीएलच्या दहाव्या मोसमातून माघार घेतली आहे. हा सर्वात मोठा धक्का दिल्ली डेअरडेव्हिल्सला बसला आहे. गेल्या दोन मोसमांपासून जेपी ड्युमिनी हा दिल्ली डेअरडेव्हिल्सचा सदस्य आहे.गेल्या वर्षीच्या आयपीएलमध्ये दिल्ली डेअरडेव्हिल्सचे नेतृत्त्वही जेपी ड्युमिनी केले होते .यंदा त्याने वैयक्तिक कारणास्तव आयपीएलमधून माघार घेतली असल्याची माहिती दिल्ली डेअरडेव्हिल्सचे मुख्य कार्यकारी हेमंत दुआ यांनी दिली. दुसरीकडे दिल्ली महापालिकेची निवडणूक लक्षात घेऊन यंदाच्या आयपीएलच्या वेळापत्रकात किरकोळ बदल करण्यात आला आहे.