दहा रूपयाची नाणे बंद होणार नाही-आरबीआय
मुंबई । गेल्या महिन्याभरात व्हटस्अ‍ॅप, फेसबुकसह आदी इतर सोशल मीडियावर दहा रुपयांचे नाणे बंद होणार असल्याचे संदेश व्हायरल झाल्यानंतर 10 रुपयांची नाणी बँकांमध्ये जमा करण्यासाठी नागरिकांनी एकच धाव घेतली. या कामांमुळे बँकांना पैसे मोजण्याची कटकट वाढली आहे. त्यांना आरबीआयला पत्रव्यवहार करून याबाबतचा खुलासा देण्यात आला आहे. यावर दहा रुपयांचे नाणे बंद करण्याचा कोणताही विचार नाही, असे स्पष्ट करताना रिझर्व्ह बँकेने या केवळ अफवा असल्याचे म्हटले आहे. दहा रुपयांच्या नाण्यांचे वितरण नोटाबंदीच्या काळात चलनी नोटांचा पुरवठा मर्यादित असताना वाढले होते. मात्र लवकरच पाचशे आणि हजार रुपयांच्या नोटांप्रमाणे दहा रुपयांची नाणी रद्द केली जाणार असल्याचे संदेश व्हॉट्सऍपवर पसरले आहेत. या संदेशांमुळे नागरिकांमध्ये संभ्रमाचे वातावरण निर्माण झाले.