दहिगावसह सावखेड्याच्या ईसमाने मृत्यूला कवटाळले

यावल – तालुक्यातील दहिगाव येथे राहत्या घरात एका 20 वर्षीय तरुणाने गळफास घेऊन आत्महत्या केल्याने खळबळ उडाली आहे. ही घटना शनिवारी दुपारी दीड वाजेच्या सुमारास उघडकीस आली तसेच तालुक्याील सावखेड्याच्या 38 वर्षीय इसमानेही मृत्यूला कवटाळल्याने तालुक्यात हळहळ व्यक्त करण्यात आली.

दहिगावच्या युवकाची आत्महत्या
यावल- तालुक्यातील दहिगाव येथील अक्षय धनराज महाजन (20) या युवकानी घरी कुणीही नसताना शनिवारी दुपारी दिड वाजेच्या सुमारास छताला दोर बांधून गळफास घेत आत्महत्या केली. आत्महत्येचे कारण समजू शकले नाही. कुटुंबात कुठलाच ताण तणाव नसताना त्याने आत्महत्या का केली? हे मात्र कळू शकले नाही. याबाबत गौरव किशोर महाजन यांनी यावल पोलिसात दिलेल्या खबरीवरून अकस्मात मृत्यूची नोंद करण्यात आल. अक्षयच्या पश्चात आई-वडील, आजी, मोठे काका, भाऊ असा परीवार आहे. तो पंचायत समितीच्या माजी सभापती संध्या महाजन व भाजपाचे किशोर महाजन यांचा तो पुतण्या होत. शनिवारी सायंकाळी त्याच्यावर शोकाकुल वातावरणात अंत्यसंस्कार करण्यात आले पुढील तपास शेखर तडवी करीत आहे.

सावखेड्याच्या इसमाचीही आत्महत्या
यावल- तालुक्यातील सावखेडासीम शिवारात नागादेवी गावठाणात राहणार्‍या गुरलाल महारू बारेला (38) यांनी वनविभागाच्या रोपवाटिकेच्या मागील भागाला सातपुड्याच्या वनात बोरीच्या झाडाला साडीने गळफास घेतला. याबाबतची खबर पोलीस पाटील नरसिंग बारेला यांनी यावल पोलिसात दिल्यावरून अकस्मात मृत्यूची नोंद करण्यात आली. पुढील तपास कॉन्स्टेबल सिकंदर तडवी व सहकारी करीत आहे. आत्महत्येचे कारण कळू शकले नाही.