दिंडीत जेसीबी घुसला, २ वारकरी ठार

0

पुणे: पंढरपूर ते आळंदी दिंडी जात असताना दिवे घाटात वारकऱ्यांच्या दिंडीत जेसीबी घूसून झालेल्या भीषण अपघातात संत नामदेव महाराजांचे १७ वे वंशज सोपान महाराज नामदास यांचा मृत्यू झाला आहे. ते ३६ वर्षांचे होते. या अपघातात एकूण दोघांचा मृत्यू झाला असून अतुल महादेलव आळशी (२४) असे दुसऱ्या मृत पावलेल्या वारकऱ्याचे नाव आहे. या भीषण अपघातात १५ वारकरी जखमी झाले आहेत. या घटनेमुळे राज्यातील वारकऱ्यांमध्ये शोककळा पसरली आहे.

जखमींवर हडपसर येथील नोबेल हॉस्पिटलमध्ये दाखल करण्यात आले आहे. वारकऱ्यांची ही दिंडी पंढरपूर ते आळंदी अशी जात होती. आज सकाळी साडे आठच्या सुमारास हा अपघात झाला. ही दिंडी दरवर्षी पंढरपूर ते आळंदी असा प्रवास करते. ही दिंडी दिवे घाटातून उतरत असताना सासवडहून पुण्याच्या दिशेने येणाऱ्या जीसीबी चालकाचे नियंत्रण सुटले आणि हा जेसीबी वेगात दिंडीत घुसला. या अपघातात दोन वारकऱ्यांचा मृत्यू झाला, तर १५ वारकरी जखमी झाले आहेत.