दिल्ली आयआयटीमध्ये पीएच. डीच्या विद्यार्थिनीची आत्महत्या

नवी दिल्ली । वर्षांची पीएच.डीची विद्यार्थिनी मंजुला देवक हिने दिल्ली आयआयटी कॅम्पसमध्ये गळफास घेऊन आत्महत्या केली आहे. दिल्ली आयआयटी कॅम्पसमधील अपार्टमेंटमध्ये पोलिसांना तिचा मृतदेह आढळला. मंजुलाच्या आत्महत्येच्या कारणाचा अद्याप उलगडा झालेला नाही. पोलीस त्याचा शोध घेत आहेत.

सुसाइड नोट नाही…
1 मीडिया रिपोर्टनुसार अतिरिक्त पोलिस आयुक्त चिन्मय बिस्वाल म्हणाले, मंजुलाचा मृतदेह नालंदा अपार्टमेंटमधील फ्लॅटमध्ये लटकलेल्या अवस्थेत आढळला. पोलिसांनी मंगळवारी सायंकाळी 7.40 वाजता मृतदेह पाहिला.

2 मंजुलाच्या आत्महत्येचे कारण अजून गुलदस्त्यात आहे. मृतदेहाजवळ सुसाइड नोट किंवा इतर काही वस्तू सापडल्या नाही. पोलिस तिच्या मित्र-मैत्रिणींकडे चौकशी करीत आहे.

सन 2013मध्ये झाले होते लग्न
मंजुला विवाहित होती. तिचे लग्न 2013मध्ये वॉटर रिसोर्सेस विषयाचा विद्यार्थी रितेश विरहासोबत झाले होते. रितेश आणि त्याचे कुटुंबीय भोपाळमध्ये राहातात. बिस्वाल म्हणाले की मंजुलाच्या कुटुंबीयांना घटनेची माहिती दिली आहे.