दिल्ली विद्यापीठ निवडणुकीत एनएसयुआयचा विजय

नवी दिल्ली । दिल्ली विद्यापीठातील विद्यार्थी संघटनेच्या निवडणुकीत काँग्रेसप्रणित एनएसयुआयने दणदणीत विजय मिळवला आहे. यामुळे अभाविपला हादरा बसला आहे.

अध्यक्षपदाच्या मंगळवारी झालेल्या निवडणुकीत एकूण 43 टक्के मतदान झाले होते. निवडणुकीत एनएसयूआयच्या रॉकी तुसीद याने एबीव्हीपीच्या रजत चौधरी याचा पराभव केला. तर उपाध्यक्षपदावरही एनएसयूआयच्या उमेदवाराने विजय मिळवला. एबीव्हीपीला सचिव आणि सहसचिवपदावर समाधान मानावे लागले. कडक बंदोबस्तात बुधवारी दिल्ली विद्यापीठ विद्यार्थी संघाच्या निवडणुकीची मतमोजणी झाली. यात एबीव्हीपीचे चार वर्षांपासूनचे वर्चस्व संपुष्टात आले.