दिल्ली विधानसभा निवडणूक: कॉंग्रेसचा जाहीरनामा प्रसिद्ध !

नवी दिल्ली: दिल्ली विधानसभेसाठी ८ फेब्रुवारीला मतदान होत आहे. ११ फेब्रुवारीला मतमोजणी सुरु होईल. राजकीय पक्षांकडून जोरदार प्रचार सुरु आहे. दरम्यान दिल्ली विधानसभा निवडणुकीसाठी आज कॉंग्रेस पक्षाने आपला जाहीरनामा प्रसिद्ध केला आहे. कॉंग्रेसच्या दिल्ली कार्यलयात जाहीरनाम्याचे प्रकाशन करण्यात आले. कॉंग्रेस नेते सुभाष चोपडा, आनंद शर्मा आणि अजय माकन यांच्या उपस्थितीत जाहीरनामा प्रसिद्ध करण्यात आला आहे. यात दिल्लीकरांना भरपूर आश्वसन देण्यात आले आहे.

दिल्ली विधानसभा निवडणूक ही सत्ताधारी आम आदमी पक्ष विरुद्ध, भाजप, कॉंग्रेस अशी होत आहे. राजकीय वातावरण पाहता दिल्लीत आम आदमी पक्षाचे पारडे आतापर्यंत जड दिसून येत आहे. मात्र प्रत्यक्षात मतदाना नंतर कोणाची सत्ता येईल हे ११ फेब्रुवारीला स्पष्ट होईल.