दीपनगरजवळ रेल्वेची धडक ; गार्डचा जागीच मृत्यू

भुसावळ- दीपनगर औष्णिक विज निर्मिती केंद्राजवळ रेल्वेची धडक लागल्याने 61 वर्षीय सहाय्यक गार्डचा मृत्यू झाल्याची घटना रविवार, 27 रोजी घडली. या प्रकरणी तालुका पोलिसात अकस्मात मृत्यूची नोंद करण्यात आली. तालुका पोलिसांनी दिलेल्या माहितीनुसार, रेल्वेचे सहायक गार्ड एस.एन. सिंग (वय 61) यांना अज्ञात रेल्वे गाडीने दीपनगरजवळील जुनी औष्णिक विद्यूत केंद्र साईटींग जवळ धडक दिल्याने त्यांचा मृत्यू झाला. ही घटना 27 रोजी रात्री 12.35 वाजेच्या सुमारास उघडकीस आली. जळगाव जिल्हा रुग्णालयात मृतदेहाचे शवविच्छेदन करण्यात आले .याबाबत रेल्वेे कंट्रोल कार्यालयाचे जी.के. सक्सेेना यांच्या खबरीवरुन तालुका पोलिसात अकस्मात मृत्यूची नोंद करण्यात आली. तपास पोलीस नाईक विजय पोहेकर करीत आहे.