दीपनगर यार्डात मालगाडीचा डबा घसरला

वाहतुकीवर परीणाम नाही; पहाटेची घटना

भुसावळ– दीपनगर प्रकल्पाला कोळसा पुरवणार्‍या एका मालगाडीचा डबा अचानक यार्डात रेल्वे रूळावरून घसरल्याची घटना मंगळवारी पहाटे पाच वाजेच्या सुमारास घडली. या प्रकारामुळे यार्डातील रेल्वे वाहतुकीवर कुठलाही परीणाम झाला नसल्याचे सांगण्यात आले.

कोळसा पुरवणारे वॅगन घसरले
दीपनगर प्रकल्पाला दररोज मालगाडीद्वारे कोळसा पुरवला जातो. मंगळवारी सकाळी प्रकल्पात जाणार्‍या मालगाडीचा एक डबा (वॅगन) रूळाखाली घसरून डबाही कलंडला. या प्रकारात कुठलीही जीवीतहानी झाली नसलीतरी रेल्वे प्रशासनाचे मोठे आर्थिक नुकसान झाल्याचे सांगण्यात आले. दुपारनंतर कलंडलेला डबा व निखळलेली चाके उचलण्यासाठी मलकापूर येथे शक्तीशाली महाबली के्रन बोलावण्यात आली.