दुचाकीला ट्रकची धडक; दोन जखमी

जळगाव । वसंतवाडी तांडा येथील रहिवासी चाळीसवर्षीय गृहस्थ दुचाकीने जात असतांना सुसाट ट्रक चालकाने धडक दिल्याने अपघात होवुन दुचाकी चालक व त्याचा मुलगा जखमी झाल्याची घटना घडली. औद्योगीक वसाहत पोलिस ठाण्यात या प्रकरणी ट्रक चालका विरुद्ध गुन्ह्याची नोंद करण्यात आली आहे. जळगाव तालूक्यातील वसंतवाडी तांडा येथील रहिवासी सुभाष चंचल चव्हाण (वय-40) हे त्यांची दुचाकी क्र (एमएच.19.सीके.6418) या वाहनाने जळके ते रामदेव वाडी येत असतांना रविवारी 30 रोजी अपघात झाला. साडेआठ वाजेच्या सुमारास समोरुन सुसाट वेगात येणार्‍या ट्रक क्र (जी.जे.12/ 6918)वरील चालकाने बाजुने धडक देत पोबारा केला. या अपघातात सुभाष चव्हाण व त्यांचा मुलगा ईश्‍वर चव्हाण दोघेही जखमी झाले असुन उपचारार्थ दाखल आहे. यानंतर एमआयडीसी पोलिसांनी जखमींच्या जबाबावरुन औद्योगीक वसाहत पोलिस ठाण्यात ट्रक चालका विरुद्ध गुन्ह्याची नोंद करण्यात आली. याप्रकरणाचा तपास पोलिस नाईक जितेंद्र ठाकुर करीत आहे.