दुचाकी अपघातातील जखमीचा मृत्यू

जळगाव । सुप्रिम कॉलनी जवळ झालेल्या दुचाकिच्या धडकेत 37 वर्षीय इसमाचा मृत्यु झाला असून याबाबत एमआयडीसी पोलिस ठाण्यात धडक देणार्‍या दुचाकीचालकाविरूध्द गुन्हा दाखल करण्यात आला आहे.

नरेंद्र चौधरी हा 24 मार्च रोजी रात्री 10.20 वाजेच्या सुमारास त्याची मोटर सायकल (क्र. एमएच.19.एबी.0180) ने जळगाव-औरंगाबाद महामार्गावरून जात असतांना सुप्रिम कॉलनी जवळ दुचाकी (क्र. एमएच.28.एस.6738) वरील चालकाने भरधाव वेगाने येवून त्यास धडक दिली. यात नरेंद्र गंभिर जखमी झाला. त्याच्यावर जळगाव येथे उपचार करण्यात आले परंतु पुढील उपचारासाठी त्यास मुंबई येथे हलविण्यात आले. मात्र, उपचारा दरम्यान त्याचा मृत्यू झाला. याप्रकरणी सुरेश सिताराम चौधरी यांच्या फिर्यादिवरुन एमआयडीसी पोलिस ठाण्यात दुचाकी (क्र.एमएच.28.एस.6738) वरील चालकाविरुध्द गुन्हा दाखल करण्यात आला आहे.