दुसर्या दिवशीही एक हजार उमेदवारांची भरती प्रक्रिया
आता निवडीकडे लागले लक्ष ; पुरूषांप्रमाणेच महिलांचा उत्स्फूर्त प्रतिसाद
भुसावळ- शहरातील रेल्वेच्या मैदानावर सोमवारीदेखील ऑल इंडीया आरपीएफ फौजदार पदासाठी उमेदवार भरती प्रक्रिया राबवण्यात आली. पहिल्या दिवशी एक हजार उमेदवारांची प्रक्रिया राबवण्यात आल्यानंतर दुसर्या दिवशीही एक हजार उमेदवारांसाठी कडेकोट बंदोबस्तात व सीसीटीव्हीच्या निगराणीखाली भरती प्रक्रिया राबवण्यात आली. पहिल्या दिवशी महिला उमेदवारांना 800 मीटर तर पुरूष उमेदवारांना 1600 मीटर अंतर धावण्यासाठी अंतर देण्यात आल्यानंतर सोमवारी वजन, उंची, छाती मोजण्यासह कागदपत्रांची बारकाईने तपासणी करण्यात आली.
आता निवडीकडे लागले लक्ष
आरपीएफ उपनिरीक्षक पदासाठी अर्ज केलेल्या सुमारे दोन हजार उमेदवारांसाठी शारीरीक चाचणीची परीक्षा तसेच कागदपत्रांची येथे रविवारी व सोमवारी तपासणी करण्यात आली. या भरती प्रक्रियेत मध्यप्रदेश, महाराष्ट्र, गुजराथ आणि बिहार या चार राज्यातील उमेदवार भरतीसाठी दाखल झाले होते. या सर्व दिव्यातून बाहेर पडल्यानंतर कुणाची निवड होते? याकडे उमेदवारांचे लक्ष लागले आहे.