दोन हॉटेलमधून 12 प्रेमी युगुलांना पोलिसांनी पकडले : जळगावातील कारवाईने खळबळ

जळगाव : शहरातील भुसावळ आणि औरंगाबाद महामार्गालगत असलेल्या एमआयडीसी पोलीस स्टेशनच्या हद्दीतील दोन हॉटेलवर गुरुवारी सहाय्यक अधीक्षक कुमार चिंथा यांच्या पथकाने छापा टाकम डझनभर कपल्सला पकडत चौकशीकामी त्यांना एमआयडीसी पोलीस ठाण्यात आणल्याने शहरात मोठी खळबळ उडाली आहे.

गोपनीय माहितीवरून कारवाई
एमआयडीसी पोलीस ठाण्याच्या जवळच असलेल्या एका हॉटेलमध्ये सुरू असलेला कुंटनखाना, अयोध्या नगर परिसरात सुरू असलेला कुंटनखाना पोलिसांनी उध्वस्त केल्यानंतर आज पुन्हा दोन हॉटेलवर पथकाने छापा टाकला आहे. औरंगाबाद महामार्गावर आर.एल.चौफुली ते जळगाव काटा दरम्यान असलेल्या एका हॉटेलवर आणि भुसावळ महामार्गावर गोदावरी अभियांत्रिकी महाविद्यालयजवळ एका हॉटेलवर पथकाने छापा टाकला. दोन्ही ठिकाणाहून पथकाने 18 पेक्षा जास्त तरुण-तरुणींना ताब्यात घेत एमआयडीसी पोलीस ठाण्यात आणण्यात आले. त्यांची चौकशी सुरू असून नेमकी पुढे काय कारवाई झाली ? याबाबत माहिती कळू शकली नाही.