धरणात बुडून दहा वर्षीय मुलाचा मृत्यू

नंदुरबार । नंदुरबार तालुक्यातील घोटाणे येथील धरणात बुडून दहा वर्षीय मुलाचा मृत्यू झाल्याची घटना दि.21 जून रोजी घडली, घोटाणे येथील योगेश विजय बावा (10) हा धरणाजवळ खेळण्यासाठी गेला होता. त्याचा पाय घसरल्याने तो धरणाच्या पाण्यात पडला.उपचारासाठी त्याला रणाळे येथील ग्रामीण रुग्णालयात दाखल करण्यात आले, दि 21 जून रोजी त्याचा मृत्यू झाला. या बाबत सुभाष उखा बावा यांनी पोलिस ठाण्यात खबर दिली असून त्यानुसार अकस्मात मृत्यू ची नोंद करण्यात आली आहे.