धावत्या रेल्वेतून पडल्याने अनोळखीचा मृत्यू

भुसावळ : भुसावळ शहर पोलिस ठाणे हद्दीतील डाऊन रेल्वे लाईनवर 50 ते 55 वर्षीय अनोळखी इसमाचा धावत्या रेल्वेतून पडल्याने मृत्यू झाला. डाऊन लाईनवर गुरुवारी दुपारी तीन वाजेपूर्वी ही घटना घडली.

शहर पोलिसात नोंद
मयत रेल्वेत साफसफाई करून मिळणार्‍या पैशातून उदरनिर्वाह करीत असल्याची प्राथमिक माहिती आहे. याबाबत भुसावळ शहर पोलिसात ऑनड्युटी डीवायएसएस यांनी दिलेल्या खबरीनुसार अकस्मात मृत्यूची नोंद करण्यात आली. तपास हवालदार विनोद नेवे करीत आहेत.