धुळे येथे अपघात; पती-पत्नी ठार !

अमळनेर: धुळे रोडवरील अपघातात पती-पत्नी ठार झाल्याची दुर्दैवी घटना घडली आहे. यात त्यांचा लहान मुलगा गंभीर जखमी झाला आहे. अनिल वाघ व सोनाली वाघ असे मयत पती-पत्नीचे नाव आहे. मुलाचे नाव प्रियांश असे आहे. प्रियांशला पुढील उपचारासाठी धुळे येथे खाजगी रुग्णालयात दाखल करण्यात आले आहे. मयत पती-पत्नी जानवे येथील रहिवासी आहेत. आज रविवारी दुपारी धुळे रोडवरील जानवे गावाजवळील लोंढावे फाटा येथे ही घटना घडली. सोनाली वाघ ह्या गरोदर होत्या. वैद्यकीय तपासणी हे दोघे पती पत्नी अमळनेर येथे आले होते. यावेळी हा अपघात झाला.