धुळ्यात बसच्या धडकेत दुचाकीस्वार ठार दुसरा गंभीर जखमी

धुळे- भरधाव बसने धडक दिल्याने दुचाकीस्वाराचा मृत्यू झाला तर दुसरा जण गंभीर जखमी झाल्याची घटना सोमवारी रात्री शिवाजी रोडवरील महाकाली मंदिराजवळ घडली. शहादा-औरंगाबाद बस (एम.एच.20-2168) ने धडक दिल्याने दुचाकी (एम.एच.18 ए.आर.0601) वरील प्रितेश वसंत राऊत (21, रा.वारसा, ता.साक्री) या तरुणाचा मृत्यू झाला तर दुचाकीमागे बसलेला युवक राहुल शिवाजी राऊत (20) हा जखमी झाला. या प्रकरणी रात्री उशिरापर्यंत गुन्हा दाखल करण्याची प्रक्रिया सुरू असल्याचे सांगण्यात आले.