धोनीने गेल्या 10 वर्षात फक्त एक अर्धशतक केले – गांगुली

मुबई। महेंद्र सिंह धोनी टी -20 मधील चांगला खेळाडू आहे की नाही याबाबत मी खात्रीने सांगू शकत नाही. एकदिवसीय खेळातील तो चॅम्पियन आहे. पण जेव्हा टी20 चा प्रश्न येतो तेव्हा गेल्या 10 वर्षात त्याने फक्त एकच अर्धशतक केले असून हा इतका चांगला रेकॉर्ड नाही.महेंद्रसिंग धोनीच्या खेळावर प्रश्नचिन्ह उपस्थित करत टी -20 खेळासाठी योग्य नसल्याचे सांगितले आहे. पण टी -20 मध्ये तो पहिल्यासारखा चांगला खेळाडू आहे की नाही याबाबत जरा साशंक आहे असे धोनीच्या आयपीएलमधील ढासळत्या कामगिरीवर भारतीय क्रिकेट संघाचा माजी कर्णधार सौरव गांगुलीने असे व्यक्तव केले आहे.

आयपीएलमध्ये खेळत असताना पहिल्यांदाच महेंद्रसिंग धोनी कर्णधार म्हणून नाही तर संघाचा खेळाडू म्हणून खेळत आहे. धोनी पुणे संघाकडून खेळत असून संघाच्या नेतृत्वाची जबाबदारी स्टीव्ह स्मिथवर सोपवण्यात आली आहे. धोनीची या सत्रातील कामगिरीही निराशाजनक राहिली आहे.धोनीने तीन सामन्यांमध्ये अनुक्रमे 12, 5 आणि 11 धावा केल्या आहेत. एकदिवसीय आणि टी20मध्ये भारतीय संघासाठी सर्वात यशस्वी कर्णधार ठरलेला महेंद्रसिंग धोनी आयपीएलमध्ये मात्र अयशस्वी ठरला आहे.धोनीने कामगिरी दाखवत धावा केल्या तर त्याचा चॅम्पिअन्स ट्रॉफीसाठी विचार केला जाईल’, असेही सौरव गांगुला बोलला आहे. ऑस्ट्रेलियाचा माजी कर्णधार मायकल क्लार्कने देखील धोनीने चांगली कामगिरी करणे गरजेचे असल्याचे म्हटले आहे.

गेल्या पर्वात धोनीने 14 सामन्यांमध्ये 135.23 च्या स्ट्राईक रेटने 248 धावा केल्या. धोनीच्या संपुर्ण आयपीएलमधील रेकॉर्डला पाहायचे गेल्यास त्याने 39.40 ची सरासरी आणि 138.95 च्या स्ट्राईक रेटने 143 सामन्यात 3721 धावा केल्या आहेत. मात्र चाहत्यांना धोनीकडून शतक पाहायला मिळालेले नाही. धोनी एक उत्तम मॅच फिनिशर असून जोरदार फटके लगावतो. मात्र आजपर्यंत तो शतक करु शकलेला नाही. या पर्वात तरी चाहत्यांची ही प्रतिक्षा संपेल अशी आशा आहे.