धोबीघाट मंडळाने साकारला महाल

पुणे । शंकरशेठ रोडवरील श्री संत गाडगेबाबा महाराज चौकातील धोबीघाट मित्र मंडळाच्या सुवर्णमहोत्सवी वर्षानिमित्त मंडळाने तयार केलेल्या काल्पनिक महालाचे उद्घाटन लष्कर पोलिस ठाण्याचे वरिष्ठ पोलिस निरीक्षक वसंत कुंवर यांच्या हस्ते फित कापून करण्यात आले. यावेळी खडक पोलिस ठाण्याचे पोलिस निरीक्षक काझी, पुणे कॅन्टोन्मेंट शांतता समितीचे सदस्य प्रवीण गाडे, प्रवीण जाधव, मंडळाचे अध्यक्ष मयुरेश तोटेल्लू, सुमीत बेलिटकर, विवेक आरमुर, प्रशांत आरमुर, अभिजित बेलिटकर, नितेश बेलिटकर, वृषभ चिंचणे, हर्षद बेलिटकर, विनोद चिंचणे, मनोज भागवत, अनिल बेलिटकर, ऋषिकेश चिंचणे, विशांत आरमूर आदी उपस्थित होते.