नक्षलवाद्यांच्या हल्ल्यात दोन जवान शहीद; एका वृत्तवाहिनीचा कॅमेरामन ठार

0

दंतेवाडा – छत्तीसगड राज्यातील दंतेवाडा परिसरातील अरनपूर पोलीस ठाण्याच्या हद्दीतील जंगलात पोलीस आणि नक्षलवाद्यांच्या हल्ल्यात दोन जवान शहीद झाल्याची घटना घडली आहे. तसेच एका वृत्तवाहिनीच्या कॅमेरामनला गोळी लागून त्याचा देखील यात मृत्यू झाला आहे. अतिरिक्त पोलीस अधीक्षक गोरखनाथ बघेल यांनी या हल्ल्याची चौकशी करत आहेत.

पोलीस अधीक्षक अभिषेक पल्लव यांनी वृत्तवाहिनीच्या कॅमेरामनचा गोळीबारात मृत्यू झाल्याच्या बातमीस दुजोरा दिला आहे. तसेच नक्षलवाद्यांनी कॅमेरा सुद्धा आपल्यासोबत घेऊन गेल्याचे वृत्त आहे. अजूनही नक्षलवाद्यांचा हल्ला सुरु आहे. पोलीस अधिकारी घटनेची माहिती मिळवत आहेत. विधानसभा निवडणुकीच्या पार्श्वभूमीवर निवडणुकीवर बहिष्कार घालण्याचा पावित्रा नक्षलवाद्यांनी उचलला आहे.