नक्षलीहल्ल्यात 4 पोलिस शहीद

छत्तीसगड : नारायणपूर येथील गुमटेर भागात नक्षलवाद्यांबरोबर झालेल्या चकमकीत सीआरपीएफचे 4 जवान शहीद झाले. इतर 7 जवान जखमी झाले असून, यातील 4 जणांची प्रकृती गंभीर आहे. चकमकीत जखमी झालेल्या जवानांना उपचारांसाठी रुग्णालयात दाखल करण्यात आले आहे. नक्षलवाद्यांसोबत सुरु असलेली ही चकमक सकाळपासूनच सुरु होती. नक्षलवाद्यांनी वेळ साधताच सुरक्षा रक्षकांना घेरले आणि तुफान गोळीबार सुरु केला. त्यामुळे एकत्रित सापडलेल्या जवानांच्या मृत्यूचा आकडा वाढला आहे. यापूर्वी चार दिवसांपूर्वी छत्तीगडच्या राजनांदगांव जिल्ह्यात झाडीखैरा जंगलात दोन डब्यामध्ये ठेवलेले बॉम्ब जप्त करण्यात आले होते.