नगरपालिका इमारत स्थलांतरीत करा
भुसावळ । येथील नगरपालिकेची इमारत जीर्ण झाली असून तातडीने स्ट्रक्चरल ऑडीट करा अन्यथा शक्य झाल्यास इमारतीचे स्थलांतरीत करा, अशा सूचना जिल्हाधिकारी किशोरराजे निंबाळकर यांनी केल्या़. मंगळवार 20 रोजी जिल्हाधिकार्यांनी अचानक पालिकेला भेट देऊन नगराध्यक्ष रमण भोळे यांच्याशी विविध विषयांवर चर्चा केली़ प्रसंगी घनकचरा व्यवस्थापनासंदर्भात खाजगी एजन्सीतर्फे प्रेझेंटेशन दाखवण्यात आले़ निंबाळकर यांनी संबंधित एजन्सीला प्लँटसाठी खर्च किती, आधी कुठे असा प्लँट उभारण्यात आला आहे का यासह विविध प्रश्नही विचारले़
रिक्त पदांबाबत नगराध्यक्षांनी केली विनंती
नगराध्यक्षांनी 30 अधिकार्यांची पदे रिक्त असल्याने अवघ्या नऊ अधिकार्यांवर कामे सुरु असल्याचे सांगत दखल घ्यावी, अशी विनंती केली़. प्रसंगी प्रांताधिकारी श्रीकुमार चिंचकर, नगराध्यक्ष रमण भोळे, उपनगराध्यक्ष युवराज लोणारी, राजेंद्र नाटकर, सतीश सोनवणे, गिरीश महाजन, रमाकांत पाटील, गिरीश महाजन, अॅड़बोधराज चौधरी, पिंटू ठाकूर, पिंटू कोठारी, मुकेश पाटील, राजेंद्र आवटे, निकी बत्रा आदींची उपस्थिती होती़.