नशिराबादला युवकाची आत्महत्या

नशिराबाद- गावातील भवानी नगर भागातील 25 वर्षीय तरुणाने गळफास घेऊन आत्म्हत्या केली. या घटनेने गावात खळबळ उडाली असून आत्महत्येचे कारण मात्र कळू शकलेले नाही. गणेश राजेश महाजन (25, रा.भवानी नगर, नशिराबाद) असे आत्महत्या केलेल्या तरुणाचे नाव आहे. महाजन यांनी शनिवार, 16 रोजी सायंकाळी पाच वाजेपूर्वी आत्महत्या केल्यानंतर त्यांना बेशुद्धावस्थेत जिल्हा सामान्य रुग्णालयात हलवण्यात आले असता डॉक्टरांनी मृत घोषित केले. या बाबत जिल्हा सामान्य रुग्णालयाचे डॉ.दिनेश खेताडे यांनी खबर दिल्यावरून अकस्मात मृत्यूची नोंद करण्यात आली. तपास उपनिरीक्षक नामदेव ठाकरे करीत आहेत.