नावेद खूनप्रकरणातील संशयिताला 25 जूनपर्यंत वाढीव पोलीस कोठडी

जळगाव । जळगाव-पाचोरा रस्त्यावरील शिरसोली आकाशवाणी केंद्राच्या मागे अठरा वर्षीय नावेद अख्तर ऊर्फ छोटू पिरजादे (वय-18) याचा खून झाला होता. याप्रकरणी एका संशयिताला अटक करण्यात आली होती. त्याला पोलिस कोठडी सुनावली होती. दरम्यान त्याच्या पोलिस कोठडीची आज मुदत संपली असता त्याला न्यायालयात हजर करण्यात आले असून 25 जूनपर्यंत पोलिस वाढीव पोलिस कोठडी सुनावली आहे.

गळा चिरून केली होता खून
जळगाव-पाचोरा रस्त्यावरील शिरसोली आकाशवाणी केंद्राच्या मागील निर्जनस्थळी झुडपांमध्ये अनोळखी तरुणाचा मृतदेह शनिवार (ता.17) रोजी आढळून आला होता. पोलिसांनी मृताची ओळख पटवल्यावर तो नावेद अख्तर ऊर्फ छोटू पिरजादे (वय-18) असल्याचे निष्पन्न झाले होते. यानंतर तरूणाच्या वडीलांच्या फिर्यादीवरून एमआयडीसी पोलिस ठाण्यात खूनाचा गुन्हा दाखल करण्यात आला होता. याप्रकरणी पोलिसांनी जाकीर ऊर्फ भाईजान याला अटक करून न्यायालयात हजर केले होते तर त्याला 23 पर्यंत पोलिस कोठडी सुनावली होती. दरम्यान, आज शुक्रवारी त्याच्या पोलिस कोठडीची मुदत संपली असता जाकीर याला न्यायाधीश बी.डी.गोरे यांच्या न्यायालयात हजर करण्यात आले होते. न्या. गोरे यांनी जाकीर याला 25 जूनपर्यंत दोन दिवसांची वाढीव पोलिस कोठडी सुनावली आहे. दरम्यान, याप्रकरणी सरकारपक्षातर्फे अ‍ॅड. ऍड. के.एफ.तडवी यांनी कामकाज पाहिले आहे.