नाशिकच्या कांद्यांसाठी रेल्वे रॅक उपलब्ध होणार

नाशिक । कांदा उत्पादकांसाठी अतिरिक्त रेल्वे रेक उपलब्ध करून द्यावा अशी मागणी अनेक दिवसापासून करण्यात येत होती. ती मागणी रेल्वेमंत्री सुरेश प्रभु यांनी मान्य केली आहे. नाशिकच्या कांदा उत्पादकांना रेल्वेतर्फे सोमवारपासून दररोज आणखी एक रॅक उपलब्ध करून दिला जाणार आहे. सध्या दररोज चार रेक दिल्या जात असून, आणखी रेक वाढवण्याची मागणी करण्यात आली होती.

यंदा कांद्याचे भरघोस पीक आले असून, महाराष्ट्रा बाहेर कांद्याची मागणी वाढली आहे. ती पुर्ण करण्यासाठी रॅक कमी पडत असल्याने वाहतूक करण्यासाठी अधिक रेल्वे रॅक मिळण्याची मागणी कांदा उत्पादकांकडून करण्यात आली होती.या मागणीला रेल्वेमंत्री सुरेश प्रभू यांनी प्रतिसाद दिला आहे. नाशिक जिल्ह्यातून कांदा पूर्व, उत्तर, ईशान्य आणि पूर्वेकडील किनारी भागात पाठवला जाणार आहे. त्यामुळे कांदा निर्यात करण्यासाठी रेल्वेमंत्र्यांचे आदेशामुळे कांदा उत्पादकांना मोठा फायदा होणार आहे.