नाशिकमध्ये होणार इरफान खानची दिवाळी

मुंबई : इरफान खान लवकरच भारतात परतणार आहे. इरफानला न्यूरोएन्डोक्राइन ट्यूमर neuroendocrine tumour हा दुर्धर आजार असून लंडनमध्ये त्याच्यावर उपचार सुरू आहेत. पण, यंदाची दिवाळी तो भारतात नाशिकमध्ये साजरा करणार आहे.

नाशिक इथल्या फार्महाऊसमध्ये कुटुंबीयांसोबत इरफान दिवाळी साजरी करणार आहे. दहा दिवसांनंतर तो पुन्हा लंडनला रवाना होणार आहे. इरफान ‘हिंदी मिडियम’ या चित्रपटाच्या सिक्वलच्या शूटिंगला सुरुवात करणार असल्याचं म्हटलं जात होतं. पण शूटिंगसाठी पूर्ण वेळ देण्याला डॉक्टरांकडून अद्याप हिरवा कंदील मिळाला नाही. पुढच्या वर्षी मार्चपर्यंत तो पहिल्यासारखं नियमित काम करू शकणार असल्याचं समजतंय.