नाशिक शिक्षक मतदार संघात भाजप उमेदवार चौथ्यास्थानावर !

नाशिक : विधानपरिषदच्या नाशिक शिक्षक मतदार संघातून शिवसेनेने आघाडी घेतली आहे. मात्र, भाजप उमेदवार चौथ्या क्रमांकावर फेकला गेला आहे. तर राष्ट्रवादीचा उमेदवार दुसऱ्या क्रमांकावर आहे. येथे अपक्षांने भाजपपेक्षा जास्त मतांनी आघाडी घेतली आहे.

एकूण २० हजार मतदानापैकी बाद मते ६३३, नोटा २६ तर वैध मते १९३४१ ठरली आहेत. यात किशोर दराडे ( शिवसेना ) ७९२४, संदीप बेडसे ( राष्ट्रवादी ) ३४२७, भाऊसाहेब कचरे ( अपक्ष ) २८७८, अनिकेत पाटील ( भाजप ) १९४६, अजून २९०० मते मोजणे बाकी आहे. दरम्यान, शिवसेना पुरस्कृत किशोर दराडे पहिल्या फेरीत आघाडीवर असून राष्ट्रवादी आणि मित्र पक्ष पुरस्कृत संदीप बेडसे दुसऱ्या स्थानावर आहेत.