नाहाटा महाविद्यालयात राष्ट्रीय क्रीडा दिवस उत्साहात साजरा

दिनांक 29 ऑगस्ट हा दिवस हॉकीचे महान जादूगार मेजर ध्यानचंद यांच्या स्मरणार्थ राष्ट्रीय क्रीडा दिवस म्हणून संपूर्ण भारतात साजरा केला जातो. महाविद्यालयाचा क्रीडा विभाग व एन.एस.एस.तर्फे राष्ट्रीय क्रीडा दिवस आनंदात व उत्साह जोरदारपणे साजरा करण्यात आला. यावेळी प्रभारी प्राचार्य डॉ. एस. व्ही. पाटील ह्यांच्या हस्ते मेजर ध्यानचंद ह्यांच्या प्रतिमेला पुष्पमाला अर्पण केल्यावर आयोजित केलेल्या बॅडमींटन स्पर्धांना सुरुवात झाली. कनिष्ठ व वरिष्ठ महाविद्यालयातील विद्यार्थी व शिक्षक कर्मचाऱ्यांनी बॅडमिंटन स्पर्धेमध्ये उस्फूर्तपणे सहभाग नोंदवला. जवळपास दोनशे विद्यार्थी यावेळी उपस्थित होते . महीला प्राध्यापकांची लक्षणीय उपस्थीती होती. स्पर्धेमधील विजेते विद्यार्थी , विद्यार्थिनी व महाविद्यालय शिक्षक कर्मचारी यांना बक्षीस देऊन सन्मानित करण्यात आले . बक्षीस वितरण महाविद्यालयाचे उपप्राचार्य प्रा.डॉ. बी.एच. बर्हाटे यांच्या हस्ते संपन्न झाला. सदर प्रसंगी विद्यापीठाचे अधिसभा सदस्य प्रा. ई.जी. नेहेते व प्रा. व्ही . डी. जैन, प्रा. आर. .आर . पाटील, प्रा. एन. एस . पाटील व इतर वरिष्ठ प्राध्यापक उपस्थीत होते. क्रिडा संचालक डॉ. आनंद उपाध्याय व वारके सर यांच्या मार्गदशना खाली कार्यक्रमाच्या यशस्वीतेसाठी क्रीडा विभागाचे श्री. शाम भारंबे व कनिष्ठ महाविद्यालयाचे प्रा.प्रशांत पाटील यांनी विशेष परिश्रम घेतले.

विद्यार्थ्यांच्या आग्रहास्तव प्राध्यापक विरुद्ध विद्यार्थी यांची सुद्धा बॅडमिंटनची दुहेरी स्पर्धा पार पडली.